|
Menú | |
Online | |
Actualmente hay 67 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Concello de Cedeira - MAIORES |
AFAL Ferrolterra (Asociación de Familiares de Enfermos de Alzheimer e
outras demencias) levará a cabo talleres de estimulación cognitiva no
novo Fogar do Pensionista de Cedeira, emprazado no Parque do Sagrado
Corazón. Así o acordaron o portavoz do goberno municipal, Luis Rubido, e
a presidenta da entidade, Milagros Prieto Gondell, nunha recente
xuntanza. Para isto, o Concello cederá unha das salas do centro e a
asociación porá os recursos humanos necesarios.
A iniciativa busca mellorar a calidade de vida das persoas
diagnosticadas de Alzheimer ou calquer outra demencia en grao leve ou
moderado; realizar terapias no seu municipio de residencia (xa que na
actualidade deben desprazarse á cidade de Ferrol) e, por último,
favorecer o respiro familiar dos seus coidadores. AFAL e Concello abren
agora o prazo de preinscripción para que as persoas interesadas en
participar nos talleres de estimulación cognitiva poidan anotarse. Para
isto, teñen diferentes vías: no departamento municipal de Servizos
Sociais do Concello; na sede de AFAL en Ferrol (r/Río Castro, 45-45,
baixo), ou chamando ao teléfono da asociación (981 37 06 92). Unha vez
se reúna un número mínimo de participantes –os grupos estarían
integrados por entre oito e dez persoas– iniciaríanse as sesións. Estas
terían periodicidade semanal, en base á experiencia da intervención
diaria que se leva a cabo nos Centros de Día que xestiona AFAL na cidade
naval e impartiríanse dúas modalidades: dúas horas diarias tres días á
semana ou ben dúas horas diarias dous días á semana. O custe da
actividade é de 150 e 100 euros ao mes segundo a periodicidade. En todo
caso, e co obxectivo de dar máis información sobre o programa, AFAL
Ferrolterra ofrecerá sendas charlas abertas á cidadanía o próximo xoves,
19 de decembro, no Fogar do Pensionista, ás 17,30 e ás 19 horas.
Link: Concello de Cedeira
|
|
|
|
| |
Enlaces Relacionados | |
Votos del Artículo | |
Puntuación Promedio: 5 votos: 1
| |
Opciones | |
|
Tópicos Asociados
|
|
"Concello de Cedeira - MAIORES" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|