Portal de Noticias Cedeira OnLine Café Bar A MARINA - Presentación do libro de Rey Ximena "O voo do IBIS"

A asociación histórico-cultural The Royal Green Jackets acolleu no museo militar a presentación de Leslie Howard, O voo do Ibis. Trátase do libro escrito polo xerezano José Rei Ximena que indaga sobre a morte do actor británico, derrubado en 1943, en plena II Guerra Mundial, polas forzas aéreas alemás a duascentas millas da costa de Cedeira.

O porqué do achegamento a España do actor é o misterio que pretende desvelar Rei Ximena no seu debut como escritor.
«É unha procura na que o lector me acompaña», explicou o autor na presentación dun libro que ten tan asumido a condición de homenaxe, que nin sequera figura o seu nome na portada. O autor explicou que o interese por Howard remóntase á súa infancia, xa que o seu pai, coronel de aviación, foi testemuña da derriba.
Debido a iso empezou a investigar e deu cun elemento crave: a actriz española Conchita Montenegro.

O Concello de Cedeira programou para este sábado, día 18, unha homenaxe ao actor falecido na costa cedeira. ás doce do mediodía descubrirase un monumento na súa memoria na serra da Capelada; ademais, para as seis da tarde, está prevista unha actuación no auditorio municipal.

O autor comentou que Howard e Montenegro foron amantes nos anos trinta e definiu á actriz como «a Ava Gadner española». «Foi a única española da época que triunfou en Hollywood e chegou a facer 18 películas, logo casou con Jiménez Arnau un falanxista de máxima confianza de Francisco Franco».
A tese que manexa Rei Ximena é que Leslie Howard foi hábilmente enviado polo goberno británico para presionar a Franco e que este non se sumase á fronte xermano. Iso confirmoullo a propia Conchita Montenegro a quen Rei Ximena coñeceu antes da súa morte. «Era todo un gentelmen», díxolle sobre el cando se coñeceron.

Link: VONLine