Portal de Noticias Cedeira OnLine Café Bar A MARINA - ANOVA

GRAVES CARENCIAS NA SANIDADE CEDEIRESA

En datas moi próximas vaise producir a baixa por xubilación, se non se produciu xa, dun facultativo local e a dunha médico, que fai as funcións de pediatra, por traslado. O temor de que non se produzan as respectivas sustitucións é evidente entre a poboación local.
Cando ten lugar a baixa dun facultativo nos últimos tempos non se cobre con outr@, senón que os seus pacientes se reparten entre os compañeir@s. Se son dúas, e hai sorte, mandan outra persoa a media xornada, das 9 ás 13 horas, (nas pasadas vacacións de Nadal, nin iso, o que propiciou que o 31 de decembro e os días 2 e 5 de xaneiro, non se dera vez aos solicitantes). Conclusión : peor atención aos pacientes e máis estrés para o persoal sanitario.
Durante o verán, nomeadamente no mes de agosto, hai anos, mandaban un facultativo para atender aos numerosos "desprazados" que viñan pasar as vacacións. Ese "luxo" pasou á historia. Sen ir máis lonxe, o ano pasado, reproduciuse a situación antes comentada, con listas de espera de ata unha semana, algo inaaudito en atención primaria.
Son moitos os pacientes, que para evitar estes inconvenientes, deciden ir ao médico de urxencias, un só, que atende, a diario, de 3 da tarde a oito da mañá do día seguinte. De aí os frecuentes colapsos, con esperas interminables, agrandadas cando o facultativo ten que cubrir urxencias nos domicilios non só do noso concello, que non é pouco extenso, senón que ocasionalmente ten que acudir a Vilarrube, Pantín ou outros puntos do concello de Valdoviño, que non ten PAC. Delirante.
Diante deste panoramoa esiximos a sustitución inmediata dos dous facultativ@s que non estaría mal foran dos de TURNO DESLIZANTE, que cubren 2 mañáns e 3 tardes, ou ao revés, o que permitiría que os nenos ou adultos que teñen ocupacións matinais poideran acudir ao seu médico polas tardes, co conseguinte beneficio para tod@s.
Sería difícil de ententer que a nosa corporación municipal non se implicase a fondo neste asunto desde xa!

Link: ANOVA Cedeira