Portal de Noticias Cedeira OnLine Café Bar A MARINA

O FEIRÓN, UN REFLEXO DO DESGOBERNO MUNICIPAL

O feirón en Cedeira supón un reflexo do desgoberno que estamos a vivir, improvisación, amiguismo e desconsideración hacia o pobo. Durante a campaña electoral de 2011 o PP anunciou que si gañaba as eleccións o feirón celebaríase sempre nas beiras do río Condomiñas(gravemente contaminado).

Cando chegou ao goberno, mudou a súa posición e comunicou que se iba a rotar, os meses impares no paseo marítimo e os pares nas beiras do río Condomiñas.O pasado mes de xuño o goberno municipal anunciaba que se suspendía o feirón do mes de xullo e agosto. Días máis tarde e tras a presión de “moita xente”, recuaba e anunciaba que mantiña o de xullo, pero que suprimía o de agosto, pero que o de setembro sería na zona do río para seguir coa altenancia, trocando así a orde.

Non contentos con tal “descontrol”, atopámonos con que o feirón de setembro faise no paseo marítimo, cando varios comerciantes do casco antigo tiñan a confirmación telefónica por parte do Concello (do venres 12 de setembro) que ía ser nas marxes do río Condomiñas. Para tal efecto fixeran as reservas de mercancía necesarias para o día do feirón.

Agora pódense plantear varias cuestións

.-Como se chega a tal situación?
.-Quen correrá cos gastos das perdas ocasionadas polo desgoberno?
.-Como se remedia tal situación?

Desde Anova propoñemos e comprometémonos a fomentar a participación cidadá como base da democracia, e a tal efecto , convocaremos un referendum para que @s cidadáns decidan sobre a ubicación do feirón mensual. Isto só sería a “punta do iceberg” dos cambios que nos esperan…

Link: ANOVA Cedeira