Portal de Noticias Cedeira OnLine Café Bar A MARINA

Despois de presentar en marzo deste ano 2014, unha pregunta no Congreso dos Deputados relativa ao deterioro da praia da Madalena, da que estamos a agardar resposta, e ante a actuación que se está a desenvolver na praia da Madalena que nos amosa unha vez máis o abuso da maioría do noso goberno municipal popular así como o seu total desinterés para debater e escoitar, o Bloque Nacionalista Galego vén de presentar (con data 23/04/2014) no Parlamento Galego e con respecto ás actuacións previstas na praia da Madalena de Cedeira, as seguintes iniciativas:

• Proposición non de lei para o seu debate en Comisión.
• Pregunta para a súa resposta oral en Comisión.
• Pregunta para a súa resposta escrita.

Mediante a presentación da proposición non de lei, o BNG pretendemos que o Parlamento inste á Xunta de Galiza tanto a defender unha solución integral á situación da praia da Madalena, baseada en estudos medioambientais, como a esixir a paralización inmediata das obras e non autorizar aportes de area á praia mentras non se faga unha avaliación do seu impacto ambiental.

Ao mesmo tempo formulámoslle á Xunta de Galiza unha serie de preguntas nas que incidimos en si pensa a Xunta de Galiza, en aplicación do Decreto 28/2009, do 29 de xaneiro, polo que se crea a reserva mariña de interese pesqueiro, Ría de Cedeira, condicionar calquera autorización á realización dunha avaliación de impacto ambiental, vai polo tanto emitir a Xunta de Galiza, como é preceptivo, un informe ambiental e vai esixir a paralización inmediata das obras.

María Xosé Rodríguez Pérez
Portavoz municipal do BNG de Cedeira

Link: BNG Cedeira