O ciclo municipal de teatro afeccionado “Comediatrium” trae este sábado á
vila de Cedeira a obra “As feas tamén se casan” a cargo do Grupo de
Teatro da SCR A Pombiña. Como vén sendo habitual, a función dará comezo a
partires das 20 horas no Auditorio Municipal de Cedeira, con entradas
ao prezo de 2,5 euros. “As feas tamén se casan” é unha peza teatral
escrita por Betty Couce e interpretada pola propia autora, Ramiro
Fernández, Rosa Couce, Puri Mira, María Xosé Couce, Carlos Lombao, Pablo
Lombao, Fernando Romero e Faustino López. A peza narra a historia das
xemelgas Felisa e Marisa que, cando teñen 39 anos, descobren que para
ser beneficiarias do testamento do seu pai teñen que cumplir unha
condición: estar casadas o día que cumplan os 40. E, por iso, farán todo
o posible para contraer matrimonio antes desa data.
© 2013 - Concello de Cedeira
Link: Concello de Cedeira
