|
Menú | |
Online | |
Actualmente hay 69 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| Concello de Cedeira - Deporte |
Cedeira acollerá este domingo, 24 de febreiro, a XII edición da súa Festa do Deporte. Unha cita promovida polo Concello e os clubes e entidades deportivas da localidade para recoñecer o esforzo, a adicación, méritos e outros valores dos mellores deportistas cedeireses do ano. Tras catro anos de paréntese, retomábase a súa celebración no 2012. E, entón, máis de medio milleiro de veciños e de veciñas se daban cita para arroupar aos seus deportistas. Este ano, a Festa do Deporte dará comezo ás cinco da tarde no Auditorio Municipal. Por segundo ano consecutivo contará cun presentador de luxo, Pipo Arribe, comunicador e compoñente de "Corre Carmela que Chove". Será el o encargado de dar paso ás proxeccións nas que se repasarán os logros colleitados por cada un dos premiados nas diferentes categorías -remo, fútbol, karate, actividades cinexéticas, deportes adaptados, bádminton, natación, fútbol sala, atletismo e taekwondo-.
Todos eles, propostos polos seus respectivos clubes e, de entre todos,
elixiráse ao Mellor Deportista Cedeirés do ano 2012. Durante a Festa,
Concello e clubes recordarán as orixes desta celebración a través dunha
sentida homenaxe. E, como vén sendo tónica habitual, non faltarán
deportistas da elite nacional, que participarán na entrega de premios.
Sumaránse a unha longa lista na que, entre outros e en pasadas edicións,
se incluíron nomes como os de Juan Carlos Valerón, Javier Gómez Noya,
Javier Castillejo ou Joan Capdevilla. Precisamente, este último,
repetirá participación este ano. E, aínda que os seus compromisos co RC
Español lle impedirán viaxar a Cedeira, si estará presente a través da
pantalla xigante instalada no Auditorio Municipal. Na Festa tamén estará
presente a mellor nadadora galega da historia, a pontevedresa Beatriz
Gómez Cortés. No seu palmarés e, entre outros títulos, conta con ser
Campiona do Mundo Júnior na proba de 200 estilos e o mérito de ter sido
Olímpica nos recentes Xogos de Londres 2012, onde logrou clasificarse
para a semifinal de 200 estilos, sendo a nadadora máis nova desa
semifinal con tan só 17 anos. Con ela, participará na entrega de premios
outra nadadora galega de máximo nivel, María Vilas Vidal, de 16 anos e
Campiona de Europa Junior en 1500 libre, Campiona de Europa Júnior na
proba de 800 libre e unha das máis firmes promesas da natación
nacional. E, a expensas de novas confirmacións, pecha o cartel de
invitados José Rivera Lamigueiro (Pepín), o seu adestrador e responsable
de natación no Centro Galego de Tecnificación Deportiva de Pontevedra e
Director Técnico da Federación Galega de Natación, quen foi membro do
equipo técnico español nos Xogos Olímpicos de Londres 2012, así como en
Campionatos do Mundo e Campionatos de Europa. Unha cita moi emotiva e
con grandes sorpresas da gran familia deportiva de Cedeira que ninguén
se pode perder.
CATEGORÍAS E PREMIADOS
Remo: Equipo
veterán de Iolas do Club de Remo Cedeira (Angel e Eduardo González
Villarnovo, José M. Piñeiro Guergue, Damián Rodríguez Garrote e Andrés
Lozano Casal). Subcampións de España.
Fútbol: Ana Canosa Cribeiro
e Marta Cheda López, do Cedeira SD. Impulsoras do fútbol feminino en
Cedeira. E Alberto Rey Vilela, do RC Celta de Vigo xuvenil. Mellor
promesa da canteira de Cedeira e subcampión de España coa selección
galega sub 18.
Karate: Alejandro Prieto Blanco, do Club de Karate Cedeira. Primeiro cinturón negro que sae da Escuela de Karate Cedeira.
Actividades
cinexéticas: Fabián Barge Vilela, do Clube Sociedad de Caza e Pesca
Cedeira-Cerdido tecor Eixil. Campión galego de caza de arceas
(modalidade de caza en pluma).
Deportes adaptados: Sabela Gómez
Fernández, do Clube Polideportivo Apader. Campiona galega de
Fútbol-Sala, campiona galega de Baloncesto, campiona galega de salto de
lonxitude.
Bádminton: Hilda Martínez López e Josefa Pérez Pérez, do Bádminton Cedeira. Subcampionas de España Veteranas na categoría C1.
Natación:
Equipo de competición do Clube Natación Cedeira. Polo seu esforzo e
porque grazas a eles foi posible recuperar o Club Natación
Cedeira-Muebles García.
Fútbol-Sala: Javier Arriví Loureiro, do Cidade de Narón. Pola súa traxectoria deportiva.
Atletismo: José Angel López Villar, do Egovarros de Viveiro, Lugo. Polos resultados colleitados o pasado ano.
Taekwondo:
Categorías inferiores do Taekwondo Cedeira. En recoñecemento aos
esforzos que realizan os máis pequenos para lograr ser os grandes
deportistas do futuro.
|
|
|
|
| |
Enlaces Relacionados | |
Votos del Artículo | |
Puntuación Promedio: 0 votos: 0
| |
Opciones | |
|
Tópicos Asociados
|
|
"Concello de Cedeira - Deporte" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|