|
Menú | |
Online | |
Actualmente hay 71 invitados, 0 miembro(s) conectado(s).
Eres un usuario anónimo. Puedes registrarte aquí | |
Información | |
| |
| 2,5 m illóns para o Centro de Saúde |
O Goberno de España consignou preto de 2,5 millóns de euros -en concreto
2.445.000- para a construción do centro de saúde de Cedeira dentro do
convenio para a aplicación en Galicia dos Plans de Zona, no marco da lei
para o Desenvolvemento Sostible do Medio Rural, segundo recolle o BOE
do pasado luns. Unha cifra ostensiblemente superior á que recibirán
outras localidades da comarca como A Capela -60.000- ou Ares -302.000-,
incluídas no mesmo acordo destinado a mellorar as condicións de vida e
traballo de zonas rurais de Galicia.
O convenio, dentro do que se enmarca dita partida, foi asinado a
principios do mes de maio entre o presidente da Xunta, Alberto Núñez
Feijóo, e o ministro de Agricultura, Alimentación e Medio Ambiente,
Miguel Arias Cañete. Conta cun investimento total de 170 millóns de
euros que serán financiados ao 50% por ambas as administracións e para
un período de cinco anos.
O portavoz do PSDEG-PSOE de Cedeira, José Luís Vergara, valorou moi
positivamente o investimento realizado. "Tratar de continuar cos
proxectos dá ministra Rosa Aguilar que daban protagonismo ás comunidades
autónomas que continúa o goberno do PP", explicou Vergara quen agora
espera da Xunta que asuma nos seus orzamentos a súa porcentaxe
correspondente -1.227.500 euros- para levar a cabo esta importante
infraestrutura.
O alcalde de Cedeira, Leopoldo Rubido, decatouse por
Diario de Ferrol do investimento que recibirá o municipio.
Dos 4,1 millóns que o Estado destinou ao investimento para a
construción, ampliación, acondicionamento e equipamento de centros de
atención primaria na zona Rías Altas e Arco Ártabro, máis da metade irán
destinados a Cedeira -o resto repartirase entre os municipios de
Betanzos, Abegondo, Cambre, Arteixo, Ares e A Capela-.
Link: DFONLine
|
|
|
|
| |
Enlaces Relacionados | |
Votos del Artículo | |
Puntuación Promedio: 5 votos: 1
| |
Opciones | |
|
"2,5 m illóns para o Centro de Saúde" | Entrar/Crear Cuenta | 0 Comentarios |
| Los comentarios son propiedad de quien los envió. No somos responsables por su contenido. |
|
|
No se permiten comentarios Anónimos, Regístrate por favor |
|
|
|