Portal de Noticias Cedeira OnLine Café Bar A MARINA - DESCONCERTADOS . Por Diego R. Piñón

Artigo de Diego R. Piñón publicado no xornal Diario de Ferrol.

" Ó par da nosa promoción de estudantes de traballo social nacía no 1987 o Plan Concertado. Un acordo de cooperación entre as administracións estatal, autonómicas e locais para contribuir conxuntamente ó establecemento dun sistema público de servizos sociais que garantizara unhas prestacións básicas a toda a cidadanía. Foi obrigado tema de exame, e todos intuiamos a súa máxima importancia para o desenvolvemento da xustiza social, e tamén para as nosas futuras vidas profesionais. Ó rematar os estudos coa implementación do plan, moitos atopamos traballo baixo as súas directrices e programa (información/orientación, axuda no fogar, aloxamento, inserción social). Có tempo variedade e infinidade de traballadores e voluntarios axudamos a facelo medrar, a milloralo. Era o nudo mestre do sistema. Dende o 2008 asistimos desconcertados, ó seu paulatino desmantelamento. En Galicia elimináronselle programas; a emerxencia social, a cooperación social, e xa neste 2011 o mantemento e a redución de ata casi un 90% para algúns concellos na axuda no fogar. Pronto, supoño que o vindeiro ano –xa anunciou a conselleira as súas intencións nunha recente entrevista– retocarán o programa de información/orientación, e moito me temo que parte do persoal técnico poida perder o seu posto laboral. Como agora o plan naceu no medio dunha grave crise económica que condicionaba profundamente o gasto social e o propio modelo do estado do benestar. Entre todos superouse o socavón. Nesta nova encrucillada só teremos éxito se volvemos a vincularnos ó espíritu do plan: a colaboración conxunta. "

© 2011 - D.R.P. Diario de Ferrol

Link: DFONLine