A executiva cedeirense do PSOE reunirase o vindeiro sábado día 15 para
elixir ao cabeza de lista para as próximas eleccións municipais. Todo
apunta a que o alcalde da vila, José Luís Vergara Rey, será reelixido
como candidato aos próximos comicios do mes de maio.
Vergara Rey considera que un proxecto de catro anos debe ter
continuidade, por iso decidiu renovar o seu compromiso á fronte do seu
partido e ver como van as cousas nas eleccións.
© 2011 - Diario de Ferrol
No entanto, o actual primeiro edil de Cedeira asegura que esta será a
última vez que se presente como candidato. "Eu creo que oito anos de
entrega por esta causa xa está bastante ben", asegurou o rexedor.
Así, na reunión do próximo sábado proporase ao candidato e perfilarase a
lista que concorrerá ás eleccións, a semana seguinte consensuaranse as
liñas a seguir durante a campaña electoral e o día 29 de xaneiro
pecharase a lista e porase fin a este proceso inicial de formación da
candidatura.
Sobre a posibilidade de continuar no goberno municipal a través dunha
coalición de partidos, José Luís Vergara mantense firme no seu propósito
de non volver pasar por isto, aínda que a decisión en última instancia
non será só súa, como deixou entrever onte o primeiro edil cedeirense,
quen asegurou que acatará os designios do seu partido.
Link: DFONLine