Portal de Noticias Cedeira OnLine Café Bar A MARINA - Alberto Díaz García, xefe da Agrupación P.C. de Cedeira

"Somos xente de acción e gústanos botar unha man"

Alberto Díaz García é axente da Policía Local de Cedeira e ostenta a xefatura da Agrupación de Voluntarios de Protección Civil da vila, que se constituíu fai dez anos e que na actualidade conta con 40 integrantes. Trátase de "xente de acción, á que lle gusta moverse e botar unha man a quen o necesite", segundo indica Alberto Díaz, quen asegura que ningún dos voluntarios cobra nada polo seu traballo, xa que as subvencións destínanse integramente aos seguros, o combustible e a adquisición de material.

De feito, esta agrupación é a que conta cun maior equipamento, tanto de medios móbiles como de protección persoal, que foi acrecentando ao longo dos seus dez anos de existencia. Segundo a información achegada por Alberto Díaz, os voluntarios de Cedeira dispñen de tres vehículos e unha motobomba, dous equipos de respiración autónoma, dous chaquetons e dous cascos de bombeiro, unha motobomba de achique portátil, unha motosierra, desengrasantes de estrada, secantes de aceite, un equipo de excarceración portátil, un equipo de escalada e catro de mergullo, ademais dun aparello para a medición de gases. Dispón, así mesmo, de dúas lanchas zodiac propiedade do Concello.
Coas subvencións deste ano "1.600 euros da Xunta, 9.800 do Concello e 500 da asociación cultural Citania" adquiriron catro emisoras para os vehículos e outras dúas portátiles que utilizan para os rallyes. Estes equipos están programados para funcionar coas frecuencias da Policía Local e a canle 16 de Urxencias Marítimas, que son analóxicas. A renovación das emisoras foi unha tarefa ineludible, dado que as que tiñan anteriormente quedaron inutilizadas a causa do temporal "Klaus".
Das 124 intervencións que esta agrupación realizara ata mediados de decembro, 15 corresponderon a incendios en vivendas.

Link: DFONLIne