Cambio de ubicación . Festa do Percebe
Fecha Jueves, 03 junio a las 10:25:43
Tema PHP-Nuke
A menos de tres semanas de que se celebre en Cedeira a tradicional Festa
do Percebe, a organización acaba de decidir cambiar a localización da
carpa principal, inicialmente prevista na praza Vermella. O Concello e a
recentemente creada Iniciativa para a promoción turística de Cedeira e
comarca, organización que engloba a distintos sectores, acordaron
cambiar a localización do corazón da festa ao entender que a praza
Vermella é un espazo demasiado grande e con poucas vistas ao mar,
segundo aclarou onte o edil responsable de Festas, Xermán Tobío. O paseo
da Mariña, en cambio, «é máis pequeno, agradable e desde el vese tanto o
río como a praia», explica o representante municipal.
É por iso polo que os próximos días 19 e 20 deste mes a marxe dereita do
paseo converterase no escenario da tradicional cita gastronómica co
crustáceo estrela do municipio.
Este ano repartiranse preto de 2.000 racións de percebe na carpa da
comisión de festas e outras case 3.000 nos distintos establecementos que
por vez primeira participarán na organización do evento, en total 29,
segundo indican fontes municipais.
En cada ración serviranse 250 gramos do crustáceo e o prezo da unidade
oscilará entre os 11 e os 13 euros, unha cifra aínda sen concretar.
A próxima edición da Festa do Percebe será a primeira que non organice
directamente a confraría de pescadores de Cedeira, entidade que fai
semanas anunciou que por problemas económicos non podía facer fronte á
cita. Aínda así está colaborando co Concello e a comisión de festas.
Link: VONLine
|
|