Xogos Florais - Cedeira
Fecha Lunes, 31 mayo a las 11:53:14
Tema PHP-Nuke
Despois de dous anos en branco os Xogos
Florais de Cedeira recuperaron folgos e retomáronse onte coa X edición
do certame poético. Un total de catorce poetas competiron no auditorio
municipal, cifra da que saíron os tres galardonados.
O triunfo foi para o poeta local Carlos
del Río que presentou a obra “Paixón e morte dun poeta”; o segundo posto
foi para a poeta eumesa Cristina Fraga, con “Promesa”, sendo o terceiro
lugar para Mª Victoria Lamigueiro Zaera, que concursou coa peza “Nana
da avoa”.
O premio consistiu nunha violeta en bronce macizo. O
xurado do certame estivo composto polos profesores Mª Paz Díaz e Belén
Caridel, o académico Álvaro Porto Dapena e o sacerdote e poeta Lázaro
Domínguez. Xavier Rodríguez Vergara, presidente da asociación cultural
Río Condomiñas, organizadora do acto, alabou a alta calidade da
composición e recitado dos participantes e manifestou a súa esperanza de
que este certame non volva “ficar interrumpido”.
O acto no
auditorio contou coa presenza de nenos do colexio Nicolás del Río, así
como unha actuación musical de Los Tres Solitarios, de Ferrol.
Link: DFONLine
|
|