Non poderán acudir ao crédito
Fecha Lunes, 24 mayo a las 13:41:45
Tema PHP-Nuke
Os concellos e as súas entidades dependentes non poderán acudir ao
crédito público nin privado a longo prazo ata xaneiro de 2012 para
financiar os seus investimentos, segundo o real decreto-lei do Goberno
coas medidas previstas para reducir o déficit e que publicou hoxe o
Boletín Oficial do Estado.
O texto do Decreto-lei sinala que a partir da súa entrada en vigor e ata
o 31 de decembro de 2011, "as entidades locais e as súas entidades
dependentes clasificadas no sector Administracións Públicas non poderán
acudir ao crédito público ou privado a longo prazo". "Aprázase ata o
exercicio 2012 a concertación de operacións de endebedamento a longo
prazo", explica a exposición de motivos do decreto.
Especifica que non poderán acudir a ese recurso "en calquera das súas
modalidades para o financiamento dos seus investimentos nin substituír
total ou parcialmente operacións preexistentes, fóra daquelas que en
termos de valor actual neto resulten beneficiosas para a entidade por
diminuír a carga financeira, o prazo de amortización, ou ambos".
Ademais, o texto aclara que as operacións a curto prazo concertadas para
cubrir situacións transitorias de financiamento reguladas na Lei de
Facendas Locais deberán quedar canceladas a 31 de decembro de cada ano.
Ademais, co obxectivo de mellorar o control da xestión económica
financeira das citadas entidades e garantir a independencia funcional
dos empregados públicos que desenvolven ditas actividades, "considérase
necesario introducir modificacións no seu réxime de provisión".
Igualmente, o texto sinala que, "co fin de garantir a contribución das
entidades locais ao esforzo de consolidación fiscal, é necesario
declarar a afectación dos aforros derivados da redución dos gastos de
persoal ao saneamento de remanentes negativos, á redución do
endebedamento ou no seu caso ao financiamento de investimentos".
Link: EXPONLine
|
|