Aparecen no río Condomiñas varias manchas de gasoil
Fecha Martes, 11 mayo a las 11:07:01
Tema PHP-Nuke
Vecinos de Cedeira alertaron onte da aparición de varias manchas de
gasoil no río Condomiñas. Axentes do Seprona, a Policía Local, o alcalde
da vila e varios concelleiros achegáronse para buscar a orixe da
vertedura. Tras a inspección, os técnicos determinaron que procedía da
canalización de augas pluviais que desembocan na canle desde o polígono
industrial da Xunqueira. Técnicos de Aquagest e do Concello seguiron o
rastro e fontes municipais informaron de que a vertedura saía da nave de
Construcións Maximino Caruncho.
Segundo as mesmas fontes, a empresa recoñecería a caída accidental de
varios botes de aceite durante unha limpeza. Agora será o Seprona quen,
cos informes municipais, analice o alcance para determinar
responsabilidades.
Link: VONLine
|
|