Festa do Percebe - Concello de Cedeira
Fecha Martes, 11 mayo a las 10:25:13
Tema PHP-Nuke
O Concello de Cedeira asume por primeira vez a organización e
coordinación da festa do percebe e o cambio trae consigo importantes
novidades, tal e como se acordou onte na reunión celebrada entre o edil
Germán Tobío e 30 representantes da entidade de hostaleiros aínda en
proceso de constitución. A celebración trasládase ao terceiro fin de
semana do próximo mes de xuño, cando habitualmente tiña lugar nos
últimos días de xullo. Así mesmo, a festa, non só estará presente na
praza Vermella coa instalación de dúas carpas, senón que tamén se
deixará notar, polo menos, en 20 establecementos de hostalería da vila.
Unha da carpa será a institucional, mentres que da segunda ocuparase
persoalmente a comisión de festas.
A través desta última venderanse ao
redor de 800 quilos de percebes en racións de 250 gramos cada unha
delas. En calquera caso, o prezo do produtos non variará, aínda que
desde a organización infórmase de que nos locais haberá a posibilidade
de acompañalo doutras viandas. O orzamento estimado para o
desenvolvemento do programa está ao redor dos 30.000 euros e, segundo
Tobío, trátase dunha cifra moi similar á que foi habitual nos últimos
anos. Por outra banda, destaca que ata o día 18 estará aberto o prazo
para inscribirse como establecemento asociado á festa do percebe.
Link: DFONLine
|
|