17 DE MAIO: MANIFESTACIÓN ÁS 11.30 NA ALAMEDA DE SANTIAGO.
Fecha Viernes, 07 mayo a las 23:48:08
Tema PHP-Nuke
Co lema “O galego, o noso existir”, o luns 17 de Maio confiamos nunha mobilización histórica do pobo galego contra as agresións á nosa cultura e o desmantelamento da oficialidade da nosa lingua.
A manifestación do próximo 17 de maio partirá ás 12 da mañá da Alameda de Santiago de Compostela e rematará na Praza do Obradoiro.
Dende Queremos Galego confiamos en ateigar de novo esta praza, como xa acontecera na masiva manifestación contra o decretazo no ensino do pasado 21 de xaneiro.
Esta mobilización cidadá que se convoca para o Día das Letras vai servir
tamén para visualizar e afortalar a unidade social existente neste
momento arredor da defensa do galego, que debe facer reflexionar moi
seriamente ao Presidente da Xunta, Alberte Nuñez Feijoo que en plena
crise económica anuncia o investimento público dun millón de euros nunha
campaña de propaganda das bondades do seu decretazo; isto é, dunha
campaña contra o galego.
Este decreto do Partido Popular foi imposto
de xeito unilateral en condicións de minoría electoral e rachando todos
os consensos da historia da Autonomía e que conta có rexeitamento
unánime de todas as institucións culturais do país, todos os sindicatos,
todas as organizacións estudantís, todos os movementos de renovación
pedagóxica e, excepto unha, todo o resto das asociacións de nais e pais,
e incluso parte da militancia e votantes do propio Partido Popular.
Este
goberno é o primeiro en toda a historia da autonomía que non só,
non esta a defender a nosa lingua propia senón que está a encabezar o
ataque contra o seu uso nos diferentes ámbitos, é o primeiro goberno
destes 30 anos de democracia que non respecta a obriga estatutaria de
promover, protexer e potenciar o uso da lingua propia e de garantir os
seus usos oficiais.
Para facilitar a asistencia de todos @s
cedeiresas/es que queiran acudir sairá un bus da Praza de Galicia
(diante da Ferretería) ás 09:00 horas, previo aviso con antelación ao
tlf: 699821073.
Acude á manifestación do 17 de Maio!
Fernando
Iglesias Bouza
Responsable da Mesa pola normalización lingüística
(zona
de Ortegal)
Membro da Plataforma Queremos Galego.
|
|
