Sinistro en Pantín
Fecha Domingo, 02 mayo a las 09:19:23 Tema PHP-Nuke
Un posible descoido do condutor e un resultado positivo na proba de
alcoholemia custaron a vida onte en Valdoviño a Antolín Ronald A.T., un
mozo de Perú veciño de Ribeira que viaxaba na parte de atrás dun Nissan
Almera con matrícula 9563-BSB. O vehículo conducíao E.R.A.C. de 35
anos, e J.P.P., o terceiro ocupante, ía no asento do acompañante.
Ambos, que resultaron feridos leves, tamén son peruanos e residen na
Coruña.
Saíran de Cedeira tras a comida e logo de cobrar alí un traballo cun
armador pesqueiro, e circulaban en dirección a Ferrol pola AC-566. Ao
redor das 15.45 horas, á altura da parroquia de Pantín, no punto
quilométrico 14,5, saíronse da vía polo lado esquerdo, cruzaron o carril
contrario, golpearon o seu coche co noiro lateral da estrada e
envorcaron. No lugar non había indicios de velocidade excesiva nin
marcas de freada, o que fai pensar a Tráfico que os tres podían haberse
durmido no interior do coche, incluído o condutor, quen superaba o
límite de alcol permitido.
Como consecuencia do envorco, o teito do coche afundiuse na parte
traseira, causándolle a Antolín Ronald as feridas mortais. Tanto
E.R.A.C. como J.P.P. foron trasladados por unha ambulancia do 061
ao Hospital Arquitecto Marcide de Ferrol con feridas de consideración
leve.
O condutor foi posto a disposición xudicial.
Link: VONLine
|
|