Mar consensúa co sector a veda do polbo
Fecha Viernes, 30 abril a las 16:42:28
Tema PHP-Nuke
A Consellería do Mar concedeu, tal e como lle solicitou o sector, unha
veda para o polbo que comezará o 28 de maio ás 16:00 horas e se
estenderá ata o 5 de xullo ás 7:00 horas. Así o consensuou o director
xeral de Ordenación e Xestión dos Recursos Mariños, Pablo Fernández
Asensio, co presidente da Federación Galega de Confrarías, Benito
González, cos presidentes das tres federacións provinciais e con
representantes do sector no transcurso dunha xuntanza mantida hoxe.
Fernández Asensio recalcou que a veda, tal e como conclúen informes
técnicos “non resulta eficaz por si soa” e para a obtención de
resultados positivos “debe ir acompañada doutras medidas”. Así, subliñou
que aspectos como a redución de dúas horas no horario de traballo, o
cómputo diario, o mantemento dun quilo na talla mínima e os topes de
capturas, recollidos no plan de explotación, teñen como obxectivo
garantir a conservación, protección e rexeneración desta especie.
Cambio
de horario e dos topes
O cambio de horario foi outra das
cuestións que se consensuaron co sector na reunión de hoxe, de xeito
que, a partir do 5 de xullo será de 7:00 a 17:00 horas (na actualidade é
de 6:00 a 16:00 horas).Respecto dos topes, o director xeral
aceptou a proposta do sector de aumentar ata os 210 quilos o tope diario
para as embarcacións de 6 tripulantes e ata os 350 quilos na campaña de
inverno. Estes novos topes e horarios comezarán a aplicarse unha vez
que estea modificada a Orde do Plan Xeral de Explotación Marisqueira.Cabe
lembrar que na actualidade o Plan de explotación acorda un tope diario
de 30 quilos por embarcación e 30 quilos máis por cada tripulante a
bordo (ata un máximo de 180 quilogramos por día) dende o 1 de maio ao 30
de outubro. No resto da campaña as cotas máximas de capturas son de 50
quilos por embarcación ao que se engadirán 50 quilos por cada tripulante
a bordo (ata un máximo de 300 quilos por día).
Link: XONLine
|
|