A Confraría desvincúlase da festa do percebe
Fecha Jueves, 29 abril a las 12:02:37 Tema PHP-Nuke
Logo de catorce anos á fronte da organización da festa do percebe, a
Confraría de Pescadores de Cedeira tomou a decisión de desvincularse ao
completo dela e, do mesmo xeito, acepta de bo grado que sexa a
incipiente asociación de empresarios de hostalería a que asuma a
substitución. Este cambio de testemuña quedou máis ou menos pactado na
reunión que días atrás tivo lugar entre empresarios e responsables do
depósito, desde onde onte mesmo tamén se confirmaba a existencia da
reunión e a postura adoptada con respecto á convocatoria gastronómica.
Con respecto a esta última cuestión, a Confraría entende que é necesario
introducir "un cambio" nun programa que "debe estar máis acorde cos
novos tempos" e sublíñase de modo moi especial que sexa cal for a
decisión que adopten os empresarios con respecto á cita, terán o total
respaldo e colaboración por parte dos profesionais do mar vinculados ao
depósito cedeirense. Como se recordará, os empresarios tamén
manifestaran a necesidade de contar coa axuda daquelas persoas que, non
só estiveron á fronte da convocatoria durante os últimos 14 anos, senón
que tamén foron as que a promoveron e situárona entre as de referencia
indiscutible na comarca
Link: DFONLine
|
|