O pasado mes de marzo, a mencionada agrupación celebraba unha asemblea á que se presentou unha única candidatura de TEGA, a de Xosé Manuel Blanco. O actual rexedor accedeu á Alcaldía naronesa a finais de xaneiro de 2009, trala marcha de Xoán Gato para presentarse ás pasadas eleccións autonómicas como cabeza de lista pola provincia da Coruña. Será no 2010 cando Blanco, cunha dilatada experiencia en política local, afronte os seus primeiros comicios como candidato por unha agrupación, neste caso Terra Galega.