Leonard Cohen en Ourense
Fecha Miércoles, 21 abril a las 13:30:42 Tema PHP-Nuke
O poeta, novelista e cantante canadense, Leonard Norman Cohen (Montreal,
1934) ofrecerá o próximo 11 de setembro un concerto na cidade, que a
día de hoxe é a súa única cita confirmada en España para este ano.
O concerto, cun custo total de 300.000 euros, será patrocinado pola
Sociedade de Xestión do Xacobeo, que dirixe Ignacio Santos, entidade que
achegará 200.000 euros, e pola Deputación provincial, que farán o
propio con outros 100.000.
O emprazamento da actuación de Cohen está aínda por definir, pero,
segundo puido saber este diario, a Consellería de Cultura ten a
intención de que sexa ao aire libre nun escenario cun aforamento mínimo
para albergar a 10.000 espectadores, polo que moi probablemente o
concerto terá lugar no campo de fútbol dos Remedios ou no do Couto.
As entradas para escoitar a este artista, con 22 discos ás súas costas, o
último deles titulado 'Live At The Isle Of Wight 1970', que recolle a
histórica actuación de Leornard Cohen no Festival da Illa de Wight en
1970 ante 600.000 persoas, sairán á venda previsiblemente a finais deste
mes.
Link: LRONLine
|
|