A poxa benéfica de obras de arte recadou 9.000 euros para Haití
Fecha Sábado, 17 abril a las 13:41:00
Tema PHP-Nuke
A poxa benéfica de obras de arte celebrada o pasado venres na Fundación
Caixa Galica cuxos fins van ser destinados á reconstrución do pobo
haitiano, logrou recadar 9.000 euros. Unha cifra que congratula á
organización do evento. "Sempre se espera que a obra que é boa alcance
un prezo maior, pero dado o momento económico que vivimos estamos
contentos co resultado da iniciativa", apuntou Pedro Taboada, un dos
responsables do evento.
A organización recadará os fondos ao longo da semana a través dunha
conta en Caixa Galicia. O lote de obras polas que non puxaron as máis de
ciencuenta persoas que asistiron ao acto promovido polo escultor Manuel
Patinha e o responsable da web pintoresgallegos.com, teñen unha oferta
dun particular por mil euros. "Esperamos que se confirme e que os
artistas que participaron -máis de sesenta- queden contentos tamén do
resultado", sinalou Taboada.
Os fondos serán canalizados a través das organizacións non
gobernamentais de Cáritas, Cruz Vermella, Acción contra o Fame e Médicos
sen Fronteiras, todas con presenza no país caribeño devastado por un
terremoto o pasado mes de xaneiro.
Link: DFONLine
|
|