O Toxo: non hai cartos
Fecha Sábado, 17 abril a las 09:03:22
Tema PHP-Nuke
Parece que a área recreativa do Toxo, na serra cedeirense da Capelada,
non poderá recibir aínda aos seus primeiros visitantes este verán, tal e
como era o desexo do goberno municipal e tamén da Deputación da Coruña.
De feito, meses atrás nunha visita do vicepresidente da administración
provincial, Pablo Villamar, a Cedeira, este mostrouse confiado de que este espazo puidese estar listo de face a
recibir aos primeiros peregrinos durante este ano Xacobeo, algo que
parece que non vai se é posible, tal e como explicou o alcalde de
Cedeira, José Luís Vergara Rey, debido a que os fondos consignados
inicialmente non alcanzarán para o groso da obra, motivo polo cal a
administración local deberá buscar novas vías de financiamento. "O que
non vou facer é empezar igual as obras sen ter a totalidade dos cartos,
como fan outros", explicou o rexedor municipal.
O problema, segundo palabras de Vergara Rey, é que o diñeiro consignado
inicialmente non alcanzará, xa que a zona resultou ser moito máis
agreste e rochosa do que inicialmente estaba previsto. Vergara apuntou
que a instalación eléctrica encarecerá todo o proceso, "Fenosa esixe
moito nestes casos aínda que despois eles non respondan cando teñen que
facelo", explicou o alcalde.
Como se recordará, a Deputación da Coruña, a través do Plan de
Dinamización do Produto Turístico, achegou 206.000 euros para financiar a
primeira fase da posta en marcha desta zona de lecer e recreo, que se
situaría na zona de Reboredo, a escasos metros do novo curro da
Capelada, que se atopa na zona de Chao do Pozón. Precisamente este feito
tívose moi en conta por parte do goberno municipal, xa que este lugar
facilitará que moitos dos asistentes á tradicional Rapa dás Bestas pasen
a noite nas inmediacións do recinto.
Link: DFONLine
|
|