Informe CIAIM - Afundimento do H. Landrove
Fecha Viernes, 09 abril a las 11:09:21 Tema PHP-Nuke
Armadores, sindicatos e mariñeiros coincidiron onte en esixir
explicacións á Dirección Xeral da Mariña Mercante -que depende do
Ministerio de Fomento- polo afundimento do pesqueiro cariñés Irmáns
Landrove que se foi a pique o 8 de setembro pasado polo incmprimento da
normativa sobre estabilidade, segundo o informe da Comisión de
Investigación de Accidentes e Incidentes Marítimos, que antonte adiantou
A OPINIÓN.
"Neste caso armador e patrón era a mesma persoa, pero a responsabilidade
tena como patrón, sería do armador se sacase o barco sen os permisos
requiridos", explica Jesús Etchevers, presidente da Asociación
provincial de armadores de buques de pesca da Coruña. Segundo a Comisión
de Investigación de Accidentes e Incidentes Marítimos, o naufraxio
debeuse a graves incmprimentos nos criterios de estabilidade: levaba o
dobre de aparellos do permitido e tiña seladas as portas de desaugadoiro
da popa, entre outras irregularidades. O pesqueiro, que entrara en
servizo en novembro de 2008 e afundiuse dez meses despois, tiña todos os
papeis en regra, segundo a Dirección Xeral da Mariña Mercante, que onte
declinou comentar o informe da comisión. "Habería que saber as causas
polas que non se cmpriron esas normas, porque o barco pasou as
inspeccións e se ten todos os papeis en regra, ao armador non se lle
pode esixir responsabilidade algunha", engadiu Etchevers.
Os sindicatos cargan as tintas contra a Administración, e aseguran que o
problema xorde no momento en que o barco supera as inspeccións. "Estou
de acordo en que o armador ten unha parte de responsabilidade, pero que
pasa coa Administración? Ese barco saíu de peirao, onde está o control"
Esa é unha competencia exclusiva das inspeccións", explica Xabier Aboi,
responsable de CIG- Mar. Aboi acusa á Administración de ser "cómplice"
destes sinistros e lamenta que non se asuman responsabilidades "en todos
estes casos". "Se os inspectores fosen cesados por cousas como estas,
seguro que se evitaban moitos accidentes, pero nunca pasa nada", declara
o sindicalista.
Os pescadores sinalan que en última instancia a decisión é do dono do
barco, pero recoñecen que hai máis culpables en todo o proceso. "Tamén
hai que ver por que estes barcos novos vanse ao fondo, iso implica tamén
a enxeñeiros, estaleiros" Aínda que neste caso si houbo imprudencia á
hora de cargar o barco, a responsabilidade é do armador" afirma Benito
González, presidente da Federación Galega de Confrarías de Pescadores,
quen sinala que a lexislación europea debería ser máis estrita coas
esixencias de estabilidade dos barcos. "É un pouco culpa de todos,
moitas veces confiámonos e pasan estas cousas", admite.
Link: ODCONLine
|
|