A Audiencia confirma a condena a Pintos
Fecha Jueves, 01 abril a las 13:05:21 Tema PHP-Nuke
A Audiencia da Coruña confirmou en todos os seus termos a sentenza do
Xulgado do Penal número 2 de Ferrol que impuxo nove meses de prisión a
Xesús Anxo López Pintos, secretario comarcal da CIG, por uns incidentes
marisqueiros ocorridos nunha praia de Mugardos no 2001. A pena é por un
delito de atentado e inclúe unha indemnización de 1.220 euros ao axente
que resultou lesionado nos feitos.
O incidente ocorreu durante o longo conflito que viviu entón a Confraría
de Pescadores de Mugardos. Segundo a sentenza, Pintos propinara unha
pedrada na cabeza a un dos axentes da policía autonómica que interviñan
na praia da Barca.
Link: VIONLine
|
|