Concello de Cedeira : 250.000 € a pagar
Fecha Martes, 30 marzo a las 09:37:27 Tema PHP-Nuke
Unha sentenza do Tribunal Superior de Xustiza de Galicia obriga ao
Concello de Cedeira a pagar algo menos de 250.000 euros á empresa que no
seu día construíu o pavillón municipal de deportes. Os feitos agora
xulgados remóntanse ao ano 1987 e obedecen á reclamación de Construcións
Padín pola diferenza entre o prezo de adxudicación da obra e o custo
real da mesma. Segundo consta na docmentación procesual, á empresa
contratada a realización do proxecto supúxolle unhas perdas de 125.000
euros, cantidade que, xunto aos intereses correspondentes, é a cifra á
que agora terá que facer fronte a administración local, dado que non
cabe a presentación dun novo recurso. Este asunto é o cuarto que figura
na orde do día da sesión plenaria que a corporación de Cedeira celebrará
hoxe, a partir das oito da tarde.
O alcalde, o socialista José Luís
Vergara, aproveitará o desenvolvemento do pleno para preguntar aos
anteriores responsables municipais a orixe dun proceso que terá un
elevado custo, segundo Vergara, para un municipio cuxo orzamento está ao
redor dos 600.000 euros e que viu como, en cuestión de pouco tempo,
descendeu de xeito alarmante tanto os ingresos por licenzas de obras
como os correspondentes á venda da madeira da Capelada. O rexedor
municipal non descarta para saír do apuro nin a opción de recorrer a un
préstamo bancario nin a venda dalgunha propiedade municipal. Por outra
banda, cualifica de "estupor" a sensación que ten desde que coñeceu o
fallo do Tribunal Superior de Xustiza de Galicia e explica o seu estado
de ánimo en base ao pau que suporá para as finanzas municipais unha
sentenza de tan elevadas consecuencias.
Link: DFONLIne
|
|