Sen voto emigrante
Fecha Viernes, 26 marzo a las 11:20:17
Tema PHP-Nuke


Os numerosos puntos escuros que rodean ao voto emigrante dende hai anos poderían pasar á historia. PSOE, PP, CiU, PNV, BNG xa estarían dispostos a apoiar unha reforma que implique que os emigrantes só poderán votar nas eleccións de carácter estatal e sempre con máis garantías de transparencia que na actualidade, tal e como adianta este venres La Voz de Galicia. O que non está tan claro é se os cambios lexislativos serán aplicábeis nos vindeiros comicios de maio.

Se se confirma o acordo verbal xa existente, nas eleccións municipais só poderán votar os residentes no concello. No caso dos comicios autonómicos, poderían exercer o seu dereito ao sufraxio os residentes ausentes de xeito temporal (fundamentalmente estudantes e traballadores desprazados puntualmente fóra das súas comunidades).

No caso dos residentes ausentes permanentes poderían participar só nas eleccións de carácter estatal. Os partidos estudan a posibilidade de ampliar o número de deputados do Congreso e reservar entre catro e cinco asentos no Senado para os representantes da emigración. En todo caso, o voto en urna será unha realidade e só o poderán facer por correo aqueles que o demanden con antelación suficiente.

Un cambio que pode ser decisivo en moitos municipios

Se finalmente a reforma está lista antes de maio, as sorpresas poden chegar a numerosos concellos onde as alcaldías dependen a miúdo dunhas poucas ducias de votos. Hai que ter en conta que na actualidade en numerosos concellos, especialmente do rural, o voto real da emigración supera o 10% dos sufraxios totais emitidos.

Link: VIONLine






Este artículo proviene de Portal de Noticias Cedeira OnLine Café Bar A MARINA
http://localhost/nuke81

La dirección de esta noticia es:
http://localhost/nuke81/modules.php?name=News&file=article&sid=839