Queremos Galego terá o apoio de PSOE e BNG no Parlamento
Fecha Jueves, 25 marzo a las 12:37:46 Tema PHP-Nuke
O texto da Iniciativa Lexislativa Popular (ILP) promovida pola
plataforma Queremos Galego para “garantir os dereitos lingüísticos na
Administración e no ensino” terá o apoio de PSOE e BNG
no momento en que sexa debatido no Parlamento.
Despois de que a
proposta do colectivo en defensa da lingua non fose tramitada pola Mesa
do Parlamento –órgano reitor da Cámara– por non axustarse, segundo os
letrados parlamentarios, á lexislación que regula este tipo de
iniciativas, a plataforma mantivo onte senllos encontros cos grupos
parlamentarios de PSOE e BNG, aos que lles
transmitiron a petición de que “asuman o contido” da ILP e a tramiten
como unha proposición de lei propia.
Mentres que o grupo nacionalista xa expresou, en días pasados, a súa
vontade de asumir o texto de Queremos Galego, o PSdeG
decidiu onte agardar á xuntanza dos “órganos do partido” para
determinar se tramitará como propia unha iniciativa que, en calquera
caso é vista, segundo fontes socialistas, con “simpatía” polo grupo
parlamentario.Neste sentido, as mesmas fontes confirman que os
voceiros do PSdeG en materia de lingua, Francisco
Cerviño, e educación, Guillermo Meijón, aproveitaron a xuntanza de onte
para transmitirlles aos membros de Queremos Galego a “receptividade” dos
socialistas cara aos postulados da plataforma, así coma os “motivos”
que levaron ao representante da formación na Mesa do Parlamento a votar
en contra da admisión a trámite da ILP.
A Mesa, subliñaron os deputados,
valora só cuestións “formais”, sen entrar no contido das iniciativas, e
esta colisionaba cos “informes xurídicos”.Neste escenario, o
voceiro do colectivo, Carlos Callón, constatou a “boa acollida” nas
filas do PSdeG á súa petición, así como a
“disposición plena” do BNG a facer chegar o texto ao pleno da
Cámara para “garantir que o debate dos dereitos lingüísticos chegue ao
Parlamento”. Á espera de manter tamén unha xuntanza co Grupo
Parlamentario Popular, Queremos Galego remitiralle aos tres grupos
parlamentarios “de forma simbólica” as máis de 15.000 sinaturas acadadas
pola súa iniciativa popular ao tempo que inicia unha campaña de
“difusión” destas reivindicacións.Nesta acción informativa, que
onte arrincaba en Ferrol e que se estenderá ata o vindeiro xuño, a
plataforma continuará a recoller apoios para que a ILP sexa tramitada e,
ao tempo, para instar á Xunta ao cmprimento da Lei de Normalización
Lingüística e do Plan Xeral de Normalización da Lingua Galega.
Link: XORONLine
|
|