O accidente no colexio do 2004 continúa nos tribunais
Fecha Viernes, 19 marzo a las 18:09:39
Tema PHP-Nuke


A familia do alumno que resultou ferido e con secuelas demanda unha indemnización de 23.000 euros


© 2010 La Voz de Galicia

O grave accidente ocorrido no colexio público Nicolás do Río de Cedeira, no 2004, continúa ventilándose nos tribunais. O Xulgado de Primeira Instancia e Instrución de Ortigueira sobreseyó a causa penal ao estimar que non existen responsabilidades nesta xurisdición, pero a familia do escolar ferido inicia agora a reclamación patrimonial contra a Administración (Xunta e Concello de Cedeira).


Son os pais do neno Miguel, de 5 anos, ao que unha das pezas caídas atrapoulle unha perna e sufriu lesións que tardaron en curar preto dun mes, con algúns días de hospitalización e permanece con secuelas postraumáticas. Piden uns 23.000 euros.

A reclamación foi presentada pola vía de recurso ante o Xulgado do Contencioso de Ferrol, porque se desestimou a petición na vía administrativa. O teito veu abaixo sobre as dez da mañá nunha das aulas de infantil á que asistían quince nenos da mesma idade que Miguel. A pesar da gravidade do suceso, a sorte quixo que todos eles se atopasen realizando unha actividade escolar preto das ventás, nun recuncho da clase. Os ferros de escaiola esborralláronse sobre os pupitres e cadeiras cando estaban baleiras. A Consellería de Educación, entón con Celso Currás (PP) como titular, indicou días despois, tras unha investigación de urxencia, que non se atopou ningún indicio que puidese advertir da posibilidade de que se producise un accidente como o que ocorreu.

Pero os peritos e o informe pericial da Garda Civil din o contrario. Suxiren que uns días antes xa se produciron algúns desprendementos, que se repararon cuns parches de escaiola pero non se examinou a causa principal que era a carcoma que invadira todos os falsos teitos. Os insectos coméronse as fiadas de esparto utilizadas para moldear a escaiola e ancorala ao tellado.

Link: VONLine






Este artículo proviene de Portal de Noticias Cedeira OnLine Café Bar A MARINA
http://localhost/nuke81

La dirección de esta noticia es:
http://localhost/nuke81/modules.php?name=News&file=article&sid=822