Nova revista dixital
Fecha Martes, 02 marzo a las 10:40:13
Tema Colaboradores
O martes 23 de febreiro, aniversario do nacemento
de Rosalía de Castro, comezou a edición dixital do Terra e
Tempo. A mesma articúlase como un portal web con actualizacións diarias
de artigos (4 ou 5 novos de luns a domingo). Así mesmo, tamén dispón dun
apartado de videos, fotografías e textos cunha actualización máis pausada. O
proxecto nace impulsado pola Fundación Bautista Álvarez co
apoio do noso Partido, a Unión do Povo Galego, e de moitos outros colaboradores
e amigos. A día de hoxe, luns 1 de marzo, e logo de 7 días en funcionamento, xa
temos na web máis de 40 artigos disponíbeis. Procuraremos -a medida que o
dixital vaia collendo forma e forza- que os artigos estexan vinculados a temas
de actualidade en calquera das 5 grandes seccións nas que se estrutura o
dixital: Galiza, Economía e Traballo, Lingua e Cultura, en Sociedade e
Internacional. Os artigos publicados non representan
posicións oficiais do Partido (están escritos tanto por persoas con militancia
na UPG como outras sen vinculación) mais si contribúen a conformar unha opinión,
desde unha perspectiva nacionalista, sobre aspectos diversos nos que o
nacionalismo galego tiña escasas voces.
Link: M.F.C.
|
|
