Proceso de matrícula en 94 escolas infantís
Fecha Viernes, 26 febrero a las 16:31:54 Tema PHP-Nuke
O Consorcio Galego de Servizos de Igualdade e Benestar abre o luns
1 de marzo o proceso de matrícula en 94 centros da Rede de Escolas
Infantís de Galicia.Así, do 1 ao 12 de marzo poderá realizarse a
reserva ou a renovación de praza, mentres que o prazo de preinscripción
para novos/as usuarios/as será do 15 de marzo ao 15 de abril. As
instancias recolleranse para cada escola nos enderezos indicados no
anexo I da resolución, que pode consultarse na páxina web do Consorcio.
O horario, salvo especificacións concretas, será de 10 a 14 e de 16 a
20 horas.Texto da resolución ( Formato PDF )
As listas provisionais de admitidos e de agarda publicaranse o día 3
de maio e haberá un prazo de reclamacións de 10 días hábiles. As listas
definitivas daranse a coñecer o 1 de xuño e, por último, o prazo de
matrícula desenvolverarse do 2 ao 22 de xuño.Os listados
provisionais e definitivos poderán consultarse, nas datas indicadas,
nos taboleiros de anuncios dos concellos, das escolas infantís que xa
están en funcionamento e do Consorcio Galego de Servizos de Igualdade e
Benestar e na páxina web deste organismo (www.igualdadebenestar.org),
no apartado de anuncios.
Oferta de prazas
A Rede de
Escolas Infantís de Galicia incluirá o vindeiro curso 12 centros máis
que este ano ao contar coas novas escolas de Ferrol e Marín, que
comezaron a funcionar este mes de febreiro; as de Ares, Ames, Cotobade,
Silleda, Vilagarcía e Foz, que se porán en marcha nas vindeiras
semanas; as de Barro e Cangas-O Hío, que comezarán a funcionar en
setembro, e as escolas municipais de Quiroga e Chantada. A primeira
destas últimas xa se integrou na rede do Consorcio o pasado 1 de
febreiro, mentres que a segunda o fará cara ao vindeiro curso.O
total de prazas nas 119 escolas da Xunta (94 do Consorcio e 25 da
Secretaría Xeral de Familia e Benestar) ascenderá así a 6.763, o que
supón 685 prazas máis que ao comezo do presente curso.Ademáis
destas prazas, o Consorcio traballa na posta en marcha doutras escolas
infantís durante o ano 2010. Os procesos de matrícula para eses centros
abriranse a medida que se concrete a data definitiva de entrada en
funcionamento.
Link: XONLine
|
|