Concello de Cedeira - Convocatoria
Fecha Miércoles, 17 febrero a las 09:02:26
Tema PHP-Nuke
O Pleno da Corporación, na súa sesión ordinaria de data 26 de xaneiro de 2010, adoptou o acordo de aprobar as seguintes
BASES QUE REGULAN A CONVOCATORIA E ELECCIÓN DO XUÍZ DE PAZ TITULAR DO CONCELLO DE CEDEIRA
A convocatoria pública para cubrir a vacante de Xuíz de Paz titular axustarase ás seguintes bases:
Primeira.- As persoas que estean interesados/as no cargo que reúnan as
condicións legalemente establecidas e non incorran nas causas de
incompatiblidade previstas na Lei Orgánica do Poder Xudicial,
presentarán no Rexistro deste Concello, solicitude por escrito no prazo
dun mes, a partir do día seguinte á publicación do correspondente
Edicto no Boletín Oficial da Provincia, acompañada dos seguintes
docmentos:
a) Fotocopia autenticada do D.N.I. ou certificado de nacemento.
b)Certificación
expedida polo Rexistro Central de Penados e Rebeldes e declaración
complementaria a que se refire o artigo 2.1 da Lei 68/1980, relativa a
non estar inculpado nin procesado.
c) Xustificación de méritos que se aleguen.
d) Declaración responsable na que consten os seguintes extremos:
1. Que está en pleno exercicio dos seus dereitos civís.
2.
Que é español, maior de idade, non está impedido física ou
psíquicamente para a función xudicial e que vai a residir nesta
localidade, salvo autorización da Sala de Goberno do Tribunal Superior
de Xustiza.
3. Que non está incurso en ningunha das causas de
incapacidade, incompatibilidade ou prohibición previsata nos artigos
303 e 389 a 397 da Lei Orgánica 6/1985, do Poder Xudicial.
Ante as
dúbidas que se susciten a Alcaldía poderá requerir a presentación de
do*****ento idóneo que acredite os extremos anteriores, sen prexuízo da
responsabilidade a que houbese lugar.
Segunda.- A presente
convocatoria farase pública mediante edicto no Boletín Oficial da
Provincia, taboleiro de anuncios deste Concello, taboleiro de anuncios
do Xulgado de Primeira Instancia e Instrucción de Ortigueira e
taboleiro de anuncios do Xulgado de Paz desta localidade.
Terceira.-
As solicitudes presentadas dentro do prazo establecido someteranse á
consideración do Pleno do Concello na primeira sesión que celebre para
a elección da persoa idónea de entre as interesadas co quórum da
maioría absoluta.
No caso de non se presentar solicitudes, o Pleno elixirá libremente.
Cedeira, 3 de febreiro de 2010.
O ALCALDE,
Asdo.: Jose Luis Vergara Rey
Link: Concello de Cedeira
|
|