Castillo da Concepción
Fecha Viernes, 05 febrero a las 12:04:17 Tema PHP-Nuke
Para chegar ao Castillo da Concepción ou fortín de San Antonio non hai
máis que conducir ata o peirao de Cedeira, aparcar o coche e subir
polas empinadas escaleiras de madeira que levan á atalaia natural sobre
a que se asenta esta fortaleza do século XVIII. Aínda que durante moito
tempo sufriu os arañazos do esquecemento, grazas a unha escola taller
hoxe loce totalmente rehabilitada.
© 2010 La Voz de Galicia Sen ningunha dúbida, un dos principais alicientes da visita é a
calorosa benvida que brinda ao forasteiro o gardián do fortín, Fernando
Rebón, quen se ofrece gustoso a facer de guía e a desvelar algúns dos
segredos que ocultan os seus muros. O primeiro que explica este amable cicerone
é que a fortaleza se construíu por mor dun «feito tráxico»: no século
XVIII, os ingleses atacaron Cedeira sen piedade e, tras saquear a
capela de San Antonio de Corveiro, colgaron a imaxe do santo do pau dun
dos seus navíos. Aquel feito doeu tanto aos aldeáns que pouco máis
tarde, e coas súas propias mans, levantaron un fortín para defenderse
de futuros ataques.
Ademais de Rebón, da historia da fortaleza tamén falan os numerosos
paneis explicativos que hai nas antigas estancias dos soldados, así
como os obxectos alí expostos -desde un uniforme de época ata fusís
antigos- e un audiovisual que mostra como foi o proceso polo que as
ruínas se transformaron en museo.
A visita tamén inclúe unha parada na antiga cociña do castelo, un
percorrido polos muros desde os que os canóns dispaban ao inimigo... E
unapequeña sorpresa: o «tesouro» do castelo non é un botín cheo de
diñeiro e xoias, senón os «paxariños» que se coan polos seus muros.
Trátase dunha planta pequena e delicada que, segundo conta Rebón, non
se pode atopar en ningunha outra parte da Península.
Link: VONLine
|
|