Anxo Quintana: o BNG está “máis pacificado ca nunca"
Fecha Viernes, 11 diciembre a las 16:49:42
Tema PHP-Nuke
Sete meses despois da turbulenta asemblea
na que o BNG elixiu unha nova dirección, Anxo Quintana asegura que ve a
formación “máis pacificada que nunca”. O que fora líder dos
nacionalistas gabou ao seu sucesor, Guillerme Vázques, subliñando que
está a demostrar que “é unha persoa traballadora”.
Porén,
Quintana tamén lembrou a derrota electoral nas autonómicas. Logo de
recoñecer que o BNG agardaba máis de 12 deputados, asegurou que
achegara “algo” á cultura da responsabilidade dentro da organización,
ao afastarse da primeira liña política. Advirte que a responsabilidade
de cara ao futuro inmediato está noutras mans: “Agora hai outro equipo
e outra dirección, e deles serán os éxitos e os fracasos”.
Mentres, o BNG comeza a mover a súa maquinaria de cara ás eleccións
municipais de 2011. Dentro da organización consideran que esta vai ser
unha cita crucial para o futuro da organización. As dúas grandes
tendencias do BNG (UPG e Máis BNG) difiren da maneira que se deben
afrontar os tempos políticos.
A corrente que lidera Carlos
Aymerich considera que o Bloque precisa dar a coñecer un candidato á
presidencia da Xunta canto antes, para “visibilizar” así un liderado
claro. Para a UPG a prioridade é o traballo interno de cara á batalla
nos concellos e deixar a elección do candidato para despois de maio de
2011.
Link: VIONLine
|
|