Plan E: Traballar si, cobrar xa se verá
Fecha Miércoles, 09 diciembre a las 20:45:49
Tema PHP-Nuke
Hai case un ano o presidente do goberno español presentaba publicamente
o chamado Plan E. Segundo Rodríguez Zapatero, o programa buscaba
inxectarlle fondos ás pequenas e medianas empresas para que mantivesen
o emprego a base de contratación de obras en municipios. Houbo quen
acusou dende o primeiro momento ao executivo estatal de inxectar fondos
para maquillar unhas estatísticas de desemprego que non deixaban de
medrar. Aos concellos de Galiza chegaron 335 millóns de euros para
acometer obras públicas. A mese de outubro estaban en marcha máis de
2.500 proxectos (saneamento no rural, arranxo de camiños ou
construcción de inmóbeis comunitarios).
Mais a gravísima crise de liquidez que viven moitas empresas fai que o
propio Plan E se convirta, nalgún caso, nunha parodia. O último caso
acaba de producirse en Baiona. Dez operarios que traballan na
humanización da rúa Elduayen denuncian que levan dous meses sen
percibir os seus salarios. A empresa á que pertencen, a lalinense Indeza,
non ten liquidez para aboarlle os seus soldos. Mentres, os
traballadores, apoiados pola CIG, preparan unha folga para a vindeira
semana. Xa non figuran nas listas do paro, teñen unha horario de luns a
venres pero, neste caso, nin o Plan E lles garante o cobro de nóminas.
Link: VIONLIne
|
|