Hernández exclúe a Ferrol, Cedeira e Valdoviño
Fecha Sábado, 05 diciembre a las 08:12:18 Tema PHP-Nuke
O conselleiro Hernández reuniuse cos responsables municipais despois de
que eles mesmos acordasen en Cerdido solicitar o encontro. Querían
tratar directamente con el a data lanzada pola Xunta, pero a
convocatoria para a reunión que recibiron os rexedores excluía a tres,
o de Ferrol, Cedeira e Valdoviño, todos presentes na reunión na que se
decidiu reclamar un encontro co responsable autonómico. Foi un detalle que sorprendeu á maioría de convocados, quen pouco antes
de iniciarse a reunión mostraban a súa perplexidade ante a exclusión de
tres dos municipios implicados no proxecto.
© 2009 - La Voz de Galicia José Luis Vergara, alcalde de Cedeira, decidiu non quedar á marxe do
encontro e tras a rolda de prensa do conselleiro celebrou a súa propia
nunha cafetería arroupado polos rexedores de Cariño , San Sadurniño e
Viveiro. «Que vou esperar», dixo, «dun goberno que di que Campo do
Hospital non pertence ao Concello de Cedeira?». E para mostra, un
botón. Un coche da Policía Local controlaba pola mañá o tráfico na
estrada cara a Ortigueira á altura dese lugar. Aínda así, dixo, «¿seica
o corredor pasará polo Concello de Cariño ?», cuxo alcalde si foi
convocado.
Pola súa banda, Vicente Irisarri, rexedor de Ferrol, explicou que o que
realmente lle preocupa son os prazos e o trazado final do corredor,
«iso é o esencial para os cidadáns, non quen a foi ou non invitado á
reunión co conselleiro». Aínda que recoñeceu que o xesto «é unha
descortesía, carece de importancia». Irisarri apuntou sobre o anuncio
da Xunta de que o anterior Goberno deixou ata tres tramos suspendidos
que «non é bo buscar culpables, o que hai que facer é traballar».
Insistiu en que a vía «podería estar terminada no 2013, é
imprescindible concluír a obra». Outra cousa é, dixo, que non se
considere unha prioridade», comentou o rexedor ferrolán.
Os alcaldes dos municipios que vertebrará a futura vía volverán
reunirse o día 11 en San Sadurniño para analizar os prazos anunciados
por Agustín Hernández e a suspensión dos tramos que, segundo o
conselleiro, deixou o anterior Goberno da Xunta.
Link: VONLine
|
|