Portos solicita de novo o proxecto modificado
Fecha Sábado, 17 octubre a las 09:05:33
Tema PHP-Nuke
Portos de Galicia, da Consellería do Mar, volveu a solicitar á
adxudicataria das obras do porto deportivo de Cedeira -a unión temporal
de empresas integrada por Comercial Internacional e Bardera Obras Civís
e Marítimas- o proxecto modificado da actuación. Xa o fixo antes do
verán, pero o organismo non recibiu o docmento. Agora Portos volveuno
a reclamar.
O proxecto do porto deportivo remóntase ao 2005, cando o docmento
inicial foi adxudicado. Portos prevía poder iniciar as obras no ano
2007, pero o proceso atrasouse debido ao aluvión de alegacións que se
presentaron na recta final dese ano. Foi a confraría de pescadores de
Cedeira a que liderou a principal oposición, pois entendía que a
actuación era incompatible coa creación dunha reserva mariña, a segunda
de Galicia.
Foi a finais do pasado abril cando a nova Xunta daba o visto e prace
definitivo ao estudo de impacto ambiental do proxecto xa modificado,
que incluirá 278 puntos de atracada para barcos de entre 6 e 16 metros
de eslora, 133 menos do previsto inicialmente.
Tras o novo requirimento, desde Portos de Galicia apuntan que esperan
recibir o proxecto modificado «nos próximos días». O edil de Turismo de
Cedeira, o nacionalista Alfredo del Río, insiste na necesidade de
executar as obras e recorda «un compromiso adquirido polo anterior
presidente de Portos, Jacinto Parga. Díxonos que se a ute non executaba os traballos, o faría a Xunta».
Link: VONLine
|
|