Elección Parlamento de Galicia 2009
Fecha Viernes, 27 febrero a las 11:04:55
Tema PHP-Nuke
A Consellería de Traballo recorda que os traballadores por conta
allea que teñan que desenvolver a súa actividade profesional este
domingo 1 de marzo, xornada na que se celebran as Eleccións ao
Parlamento de Galicia, dispoñen de permisos retribuídos para poder
exercer o seu dereito ao voto.
Os traballadores por conta allea cun horario de traballo que non
coincida co de apertura das mesas electorais ou que cadre cun período
inferior ás dúas horas, non terán dereito a un permiso retribuído. No
caso de que o horario de traballo se axuste co horario de votación en
máis de dúas horas e menos de 4, os traballadores gozarán dun permiso
retribuído de dúas horas.
Por outro lado, no suposto de que o horario laboral e das mesas
electorais coincidan en 4 ou máis horas e menos de 6, os traballadores
por conta allea disporán dun permiso retribuído de tres horas para
exercer o seu dereito ao voto. Por último, se ambos horarios coinciden
en 6 ou máis horas, estes traballadores terán garantido un permiso
retribuído de 4 horas.
Ademais, os traballadores por conta allea que non
se atopen na localidade onde lles corresponde exercer o seu dereito a
voto disporán, no seu horario laboral, de ata 4 horas libres para que
poidan votar.
O Diario Oficial de Galicia do pasado día 3 de febreiro publica as
normas para que os traballadores por conta allea poidan exercer o seu
dereito ao voto o día 1 de marzo. O obxectivo é regular as distintas
situacións que se poidan presentar para o exercicio do dereito ao voto
dos traballadores por conta allea que non gocen do seu descanso semanal
o día da votación, así como das persoas que interveñen no proceso
electoral.
Membros da mesa electoral
No caso de que un traballador por conta allea sexa nomeado presidente
ou vogal dunha mesa electoral, o día da votación disporá dun permiso
retribuído de xornada completa, se ese día non fora unha xornada de
descanso semanal. Ademais, terá dereito a unha redución da súa xornada
de traballo de 5 horas o día inmediatamente posterior. Por outra banda,
se a persoa tivese que traballar durante a noite do día anterior ao día
da votación, a empresa cambiaralle a quenda para que poida descansar
esa noite.
Por último, o empresario é o responsable de distribuír os períodos
nos que os traballadores disporán de permiso para acudir ás mesas
electorais para exercer o seu dereito ao voto. Tamén poderá solicitar
aos traballadores a presentación dun certificado de voto ou, de ser o
caso, a acreditación como membro dunha mesa electoral.
Link: XONLine
|
|