6 millóns de euros para a contratación de axentes de emprego e des
Fecha Miércoles, 16 septiembre a las 13:14:08 Tema PHP-Nuke
A Consellería de Traballo e Benestar destina un total de 6,3 millóns
de euros en materia de axudas e subvencións para que as entidades
locais contraten axentes de emprego para o exercicio de 2009, co fin de
promover unha rede especializada na implantación das políticas activas
de emprego e na xeración de emprego no contorno.
O Diario Oficial de Galicia (DOG) publica hoxe esta orde de axudas,
que establece as bases reguladoras e a convocatoria, en réxime de
concorrencia competitiva, destas axudas, que se enmarcan no ámbito de
colaboración entre a Consellería de Traballo e Benestar e as entidades
locais.
Os beneficiarios destas subvencións son as entidades locais e
entidades públicas dependentes ou vinculadas á Administración local. A
distribución dos créditos para o financiamento será directamente
proporcional ao número de persoas desempregadas e á evolución do paro
rexistrado no período 2004-2008, e inversamente coa evolución da
poboación no citado período.
Os axentes especiais de emprego e desenvolvemento local teñen como
misión principal colaborar na implantación das políticas activas de
emprego relacionadas coa creación de actividade empresarial. Así,
analizarán a evolución e repercusión das medidas activas de emprego e,
por outra banda, colaborarán co resto dos integrantes da rede, na
procura da mellora da súa calidade.
Entre as funcións destes profesionais, atópanse a prospección de
recursos ociosos e infrautilizados, identificando novas actividades
económicas e posibles emprendedores; a difusión e estímulo de
potenciais oportunidades; acompañamento técnico no inicio de proxectos
empresariais, e calquera outra acción que contribúa á promoción e
implantación de políticas activas de emprego.
A contía da subvención será equivalente ao 80 por cen dos custos
salariais, cun máximo de 27.046 euros anuais. O prazo para a
presentación de solicitudes será dun mes a partir de mañá. Link: XONLine
|
|