RSC - Por Diego R. Piñón
Fecha Lunes, 14 septiembre a las 13:29:26 Tema PHP-Nuke
" A responsabilidade social
corporativa definese como a contribución activa e voluntaria por parte
das empresas para procurar milloras sociais, económicas e ambientais
que repercutan no incremento do benestar da sociedade local e global.
Sen caer na inxenuidade, debemos recordar que tamén lles sirve para
promocionar a súa situación competitiva,valorativa e o seu valor
engadido.As empresas axudanse,axudando. Os seus antecedentes remontanse
ó século XIX no marco do cooperativismo e o asociacionismo que buscaban
conciliar eficacia empresarial con principios sociais de democracia,
autoaxuda, apoio á comunidade e xustiza distributiva. Os seus máximos
expoñentes na actualidade son as empresas de economía social,por
definición empresas socialmente responsables. Aínda que a R.S.C. nos
pareza un concepto abstracto e lonxe da nosa realidade,a verdade é que
está moi presente e materializase constantemente na vida cotidiana dos
nosos pobos, vilas e cidades. As máis das veces son pequenas
aportacións de empresas locais que apoian o desenvolvemento de
actividades deportivas, sociais, culturais, etc. Seguro que recordan
algún dos carteis dos eventos onde figuran os colaboradores.Noutros
casos, e excepcionalmente, as aportacións veñen de fora e teñen un
montante moito máis importante. Así acaba de ocurrir en Cedeira.Para
facilitar a accesibilidade e eliminación de barreiras arquitectónicas
na residencia da Asociación Apader,foi imprescindible a axuda que as
empresas almacenaxes R. Hernan e Docout S.L prestaron á entidade."
© - D.R.Piñón - Diario de Ferrol 2009
Link: DFONline
|
|