A falta de ingresos dos concellos
Fecha Miércoles, 09 septiembre a las 12:07:20 Tema PHP-Nuke
Os efectos da crise económica tamén se fan notar nos consistorios. As
administracións locais, que en moitos concellos do rural son o
principal axente de emprego, ven como se reducen os ingresos por
impostos locais (licenzas urbanísticas, IBI...).
O goberno
estatal, como principal recadador de impostos, segue a ser a
administración que máis fondos directos achega aos concellos. Mais o
executivo español xa restrinxiu este tipo de ingresos no presente ano e
xa ten previsto facelo outra vez para os orzamentos de 2010.
Un exemplo da preocupación que existe a nivel local é unha das últimas decisións da Deputación da Coruña.
O organismo provincial quere que no Plan de Obras e Servizos de 2010 se
inclúan partidas para gastos correntes (que son, principalmente, os de
persoal). A novidade débese á necesidade de inxectarlle liquidez a
algúns concellos que están a facer as contas para poder manter todo o
persoal temporal. En total repartiranse 24 millóns de euros entre o
perto dun cento de municipios que hai na provincia.
O maná das subvencións Alcaldes consultados por Vieiros
recoñecen que existe a preocupación e que dan por feito que é posíbel
que teñan que reducir nos vindeiros meses persoal temporal que está
vinculado a determinadas subvencións que chegan dende outras
administracións superiores. Coa boca pequena, algún rexedor recoñece
que á preocupación polos recortes orzamentarios tamén se suma que sexa
precisamente en 2010, un ano antes dos comicios locais.
Link: VIONLine
|
|