Investigar o naufraxio do 'Irmáns Landrove'
Fecha Martes, 08 septiembre a las 17:38:24
Tema PHP-Nuke
A Comisión Permanente de Investigación de Accidentes e Incidentes
Marítimos (Ciaim), adscrita ao Ministerio de Fomento, será a encargada
de investigar o naufraxio do buque galego 'Irmáns Landrove', rexistrado
este martes de madrugada a 20 millas de Cedeira e no que faleceu o
patrón do mesmo.
Segundo informaron fontes da Capitanía Marítima de Ferrol, esta
comisión será a responsable de tomar declaración aos sobreviventes do
naufraxio e de determinar as causas do accidente. Para iso, está
previsto que responsables do Ciaim desprácense até Ferrol, e que
interroguen aos seis tripulantes este mércores ou xoves.
''O máis probable é que declaren este mércores, porque o prazo adoita ser de dous días'', sinalaron estas mesmas fontes.
Até 2008, a investigación por accidentes no mar como o dos 'Irmáns
Landrove' dependían directamente das capitanías marítimas, pero un novo
real decreto centralizou este labor nunha comisión dependente do
Ministerio de Fomento, na que figuran tamén representantes das
comunidades autónomas con litoral.
De feito, este organismo estatal xa foi o responsable de investigar
este ano outros naufraxios de buques galegos, como o do 'Monte
Galiñeiro' (en augas de Terranova) ou o do 'Canconio', tamén en Cedeira.
Link: PROONLine
|
|