Consellería de Vivenda e Solo
Fecha Miércoles, 25 febrero a las 17:58:06 Tema PHP-Nuke
A Consellería de Vivenda e Solo abre o prazo de solicitude das
axudas destinadas á rehabilitación de vivendas no rural e en conxuntos
históricos, ás que dedica 21.850.000 € ata o 2011, case un millón de
euros máis que na convocatoria de 2008 –foron 20,9 millóns de euros-.
As persoas interesadas poderán presentar as súas solicitudes a partir
de mañá, xoves 26 de febreiro, ata o 1 de setembro.
En concreto, nesta convocatoria a Consellería destina ao programa de
rehabilitación no rural e conxuntos históricos un orzamento de 9
millóns de euros en 2009, outros 8.590.000 € en 2010 e 4.260.000 € en
2011.
O Diario Oficial de Galicia (DOG) publica hoxe a orde que establece
estas axudas de ata o 50% do orzamento protexible cunha contía máxima
de 24.000 € para obras de rehabilitación e 30.000 € para obras de
renovación das vivendas.
Esta liña de axudas vai destinada a persoas, familias ou unidades
convivenciais cuns ingresos ponderados anuais de ata 3,5 veces o
Indicador Público de Rendas de Efectos Múltiples (IPREM), é dicir, ata
23.500 € aproximadamente. A vivenda obxecto de rehabilitación debe ser
a residencia habitual do solicitante e ter unha antigüidade mínima de
15 anos se está situada no medio rural –núcleos de ata 1.500
habitantes-.
Para os conxuntos históricos non se terá en conta a antigüidade da
vivenda. Considénrase conxuntos históricos aqueles que teñen unha
declaración de Ben de Interese Cultural (BIC), declaración de conxunto
histórico-artístico ou similar, que teñan un plan especial de
protección ou de reforma interior aprobado ou estean contemplados no
planeamento municipal, e aqueles polos que discorre o Camiño Francés de
Santiago.
Por outra banda, non é necesario que os solicitantes das axudas
acrediten residir por un tempo mínimo no concello no que está a
vivenda. A Consellería de Vivenda e Solo suprimiu este requisito co
obxectivo de facilitar o asentamento ou retorno de poboación ao medio
rural. En calquera caso, sí é indispensable que a vivenda obteña a
Cédula de rehabilitación de calidade para acceder á subvención, cando
menos a Resolución de conformidade da Cédula que acredita a aprobación
inicial.
Solicitudes
As solicitudes deberán presentarse nas Delegacións provinciais da
Consellería de Vivenda e Solo ou en calquera rexistro oficial da Xunta
de Galicia. No caso de galegos residentes no exterior poderán presentar
as súas solicitudes nas entidades galegas que teñan recoñecida a
galeguidade ou estean consideradas colaboradoras e que deberán remitila
en todo caso á Secretaría Xeral de Emigración.
O impreso oficial poderá descargarse desde mañá na páxina web
www.conselleriavivenda.xunta.es e deberá ir acompañado da seguinte
do*****entación: fotocopia compulsada do DNI ou NIF, fotocopia da
Resolución de conformidade ou da propia Cédula de Rehabilitación de
Calidade, declaración do conxunto das subvencións solicitadas ás
administracións ou entes públicos con este fin, autorización á
Consellería de Vivenda e Solo para solicitar datos económicos por vía
telemática, entre outros do*****entos.
50% da subvención ao inicio da obra
Os beneficiarios destas axudas poderán cobrar o 50% da subvención
outorgada ao inicio das obras ou durante o seu transcurso, presentando
as facturas de compra de material, traballos previos ou certificacións
de obra, sempre que teña a concesión inicial da Cédula de
Rehabilitación de Calidade para comezar a obra. O resto da subvención
será abonada unha vez rematada a obra e recibida a concesión definitiva
da Cédula.
Actuacións subvencionadas
As obras de rehabilitación ou de renovación que se contemplan son as
relacionadas en elementos exteriores da vivenda, de acordo á tipoloxía
da zona, como carpintería exterior, cubertas, acabados na fachada,
conservación de elementos singulares e materiais propios das zona
(madeira, pedra, lousa, forxa, etc). Tamén se subvencionan as obras en
elementos estruturais, construtivos e de seguridade, mellora nas
condicións de illamento da vivenda, das instalacións en xeral e todo o
relacionado coa mellora na calidade da habitabilidade das vivendas, é
dicir, obras dirixidas a adecuar as condicións hixiénico-sanitarias,
condicións de ventilación e iluminación ou adaptación da vivenda para
uso de persoas con discapacidade e maiores de 65 anos. Link: XONLine
|
|