Denuncia pública - Lameira
Fecha Jueves, 20 agosto a las 15:02:48
Tema PHP-Nuke
Con motivo das últimas choivas - fai máis de dúas semanas, e que
provocaron inundacións en varias rúas, baixos e vivendas - producíronse
arrastres de lodo desde a zona vella de Cedeira proveniente das obras
que se están acometendo. Desde entón, entre os números 4 e 5 de Rúa do
Mariñeiro, confluencia coas escaleiras de Rúa Tetuan, e nun tramo entre
beirarrúas, depositouse gran cantidade deste lodo que, con tempo seco e
vento convértese nun rebumbio que se mete en vivendas e locais
comerciais facendo imposible o mantemento da debida hixiene e limpeza;
en caso de choiva, como foi hoxe, o lodo convértese nunha pista de
patinaxe; un verdadeiro perigo para quen circulan tanto en coche como a
pé.
A pesar de que este feito se puxo en coñecemento tanto dos responsables
municipais como dos responsables das obras - e disto fai xa demasiados
días -, non se tomou medida algunha respecto diso.
Esperemos que non ocorra ningún accidente grave ...
 © PNCDOL
Link: Denuncia pública.
|
|