Portal de Noticias Cedeira OnLine Café Bar A MARINA - vPablo Villamar, vicepresidente da Deputación da Coruña

O vicepresidente da Deputación da Coruña, Pablo Villamar, fixo onte unha visita institucional ao Concello de Cedeira, onde foi recibido polos membros da corporación municipal, encabezada polo alcalde da vila, José Luis Vergara. Villamar escoitou as peticións que lle foron formuladas das que, según dixo, “tomei boa nota”. Tamén explicou que no pasado pleno da Deputación aprobouse un convenio de colaboración co Concello de Cedeira, en virtude do cal a administración provincial colaborará na mellora do acondicionamento dalgúns servizos do pavillón municipal, como a climatización da piscina -actualmente en obras- e a dotación vestiarios no recinto, entre outras. A achega provincial para esta intervención, orzamentada en 405.000 euros, é de 350.000, a práctica totalidade do gasto.

Pablo Villamar percorreu as referidas instalacións deportivas acompañado polos políticos locais e tamén visitou os terreos nos que se construirá a Área Recreativa do Toxo, intervención que se acometerá tamén con fondos do Plan de Dinamización na serra da Capelada. Villamar confía en que esta obra, en proceso de licitación, poida acometerse despois do verán, “para que esté lista no Xacobeo”, indicou. O vicepresidente da Deputación tamén incidiu na importancia doutros proxectos que se acometerán na vila cedeiresa como unha ruta á capela de San Antón e novas intervencións na estrada de San Andrés. “Xa temos os proxectos e esperamos poder acometelos pronto”, explicou Pablo Villamar.

Link: DFONLine