Excover compra a construtora Bardera
Fecha Domingo, 22 febrero a las 07:50:46
Tema PHP-Nuke
O grupo catalán Excover adquiriu unha participación maioritaria na
construtora ferrolá Bardera, firma que, xunto con Acciona, executa
actualmente a segunda fase do porto exterior, ademais doutras obras
marítimas na comarca. A venda da empresa ferrolá adscríbese ao momento
de recesión que atravesa a economía española e, moi especialmente, o
sector do ladrillo, e ás dificultades para atopar liquidez coa que
financiar os proxectos en curso.
Bardera é unha empresa fundada no 2000 e dirixida por Guillermo
Beceiro. Está especializada na realización de obras marítimas, aínda
que tamén leva a cabo todo tipo de obras civís, non só en Galicia,
senón tamén en diferentes puntos da cornixa cantábrica, Andalucía e o
Levante español, entre outros.
Nun comunicado colgado na súa páxina web e datado a finais do pasado
outubro, Excover asegura que a adquisición da participación maioritaria
en Bardera leva a cabo «co fin de aumentar a competitividade da empresa
e facer fronte ás esixencias actuais do mercado». Para o grupo catalán,
creado en 1985, a compra da firma ferrolá repórtalle a posibilidade de
crecemento e sustentabilidade no mercado. Ademais, subliña a
complementariedad das dúas compañías, «tanto nos aspectos sectoriais
como xeográficos».
Link: VONLine
|
|