Grumir
Fecha Martes, 23 junio a las 09:34:54
Tema PHP-Nuke
O Concello de Cedeira disporá durante os próximos seis
meses dunha patrulla do Grumir (Grupo Municipal de Intervención
Rápida). Integrarana tres persoas e estará lista para traballar en
apenas dez días, segundo detalla o alcalde da localidade, José Luis
Vergara.
Trátase dunha agrupación «solicitada
polo Concello desde fai tempo», asegura o rexedor, «pois o pasado ano
estivemos a piques de conseguir unha patrulla de cinco persoas durante
nove meses, pero finalmente non obtivemos nada».
Este
ano serán tres persoas, «moi necesarias nun concello como Cedeira no
que temos moito monte», explica.
E é que o seu labor será «a de previr
os incendios e librar os camiños aínda arrasados pola caída de árbores
tras o Klaus». E é que, asegura, «Cedeira aínda sofre as consecuencias
do temporal de xaneiro». Neste sentido, recorda que durante este fin de
semana caéronse ata catro árbores en pleno paseo marítimo con motivo
dos ventos rexistrados a noite do sábado.
Necesita unha ducia
Aínda
que agradece á Consellería de Presidencia o Grumir, Vergara estima que
tres persoas «son poucas». Asegura que o Concello de Cedeira
«necesitaría polo menos unha ducia tendo en conta, ademais, que
Ortigueira dispón dunha agrupación moito máis potente» con 15
efectivos, dos que tres son estables e o resto son temporais. Recorda
que a contratación destas tres persoas nutrirase do paro e terán á súa
disposición a motobomba da que dispón o Concello e un vehículo
todoterreo, segundo indica José Luis Vergara.
O
novo Grumir chega pouco despois de que o Concello de Cedeira fixese
público que xa dispón dun Plan de Urxencia Municipal, un docmento
impulsado pola administración local e redactado por unha ducia de
veciños da vila con coñecementos en materia de seguridade.
Así,
colaboraron no plan profesionais do Corpo de Bombeiros, Policía Local,
Protección Civil, Cruz Vermella e técnicos en prevención de riscos
laborais. Para pór en práctica o docmento, o Concello cedeirense ten
previsto celebrar nos próximos meses un simulacro.
Link: VONLine
|
|