Escaseza de accesos e atención municipal - ASCM Cedeira
Fecha Viernes, 19 junio a las 09:23:42 Tema PHP-Nuke
Cando o seu fillo tiña dous anos e medio, un coche atropelouno en
Cedeira. Desde entón -agora ten doce-, unha lesión medular obrígalle a
moverse en cadeira de rodas. Raquel Pardo, a súa nai, decidiu fai máis
de dous anos facer algo por el e polos seus iguais, e foi entón cando
ocupou o posto de delegada na vila da Asociación Socio Cultural de
Minusválidos (ASCM).
Esta venezolana asegura que «a pesar do esforzo da delegación, Cedeira
segue sendo un pobo no esquecemento». E dio porque, aínda que recoñece
que o Concello fixo un importante esforzo por adaptar as beirarrúas ás
necesidades dos minusválidos, «o certo é que aínda queda moitísimo
traballo por facer». A súa primeira denuncia recae sobre o edificio de
Correos , ao que, explica, o seu fillo non pode entrar. Nin tantos como
el, «pois conta cun chanzo criminal». Por iso, son «os funcionarios os
que teñen que saír á rúa para atendernos cando resulta imposible que
entre varios levanten a cadeira para metela no edificio. Hai que ter en
conta que as eléctricas son extremadamente pesadas». Algo parecido
«ocorre no Concello, onde ao non ter ascensor é imposible subir a ver
ao alcalde; ten que baixar el».
De igual modo expón que en Cedeira «só existe un bar
na Praza Vermella, ademais da cafetería do auditorio, no que podemos
celebrar unha cea. O resto non teñen os baños adaptados». De feito, a
delegación cedeirense «propuxo ao Concello que financiase a metade dos
cambios nos locais e contestou que o estudaría».
Catering como unha seda
Raquel
e os preto de 200 socios da delegación cedeirense solicitaron ao
Concello a posta en marcha dun servizo de comida a domicilio dirixido a
persoas , o que ela denomina catering como unha seda.
A iniciativa, que pretendía utilizar a cociña da cafetería do
auditorio, «aínda non saíu adiante». Tampouco «recibimos axuda
municipal para custear o servizo de transporte da asociación.
Necesitamos pagar ao condutor, que é voluntario, e tamén a unha persoa
que axude a mover aos usuarios». Pide, xa que logo, que o Concello de
Cedeira «fíxese un pouco en nós».
Link: VONLine
|
|