113,4 quilómetros por hora
Fecha Lunes, 08 junio a las 18:28:02 Tema PHP-Nuke
Punta Candieira, no municipio coruñés de Cedeira, rexistrou na xornada
de hoxe o refacho de vento de intensidade máxima, con 113,4 quilómetros
por hora, debido ao fenómeno meteorolóxico adverso que levou a activar
a alerta amarela por ventos fortes en comarcas do interior e do litoral.
Segundo a información facilitada hoxe a Europa Press por Meteogalicia,
os refachos máximos nesta xornada, ademais, rexistráronse na zona
montañosa de Carballeda de Valdeorras (Ourense), con 105 quilómetros
por hora e no municipio coruñés de Lousame, con 93,3 quilómetros por
hora.
Pola súa banda, en municipios costeiros como Burela (Lugo) o vento
alcanzou refachos de 87,8 quilómetros por hora, así como en Santa María
de Oia (Pontevedra); e os 86 en Malpica (A Coruña) e Corrubedo.
En zonas de montaña como Cabeza de Manzaneda (Ourense) rexistráronse
refachos de 82,7 quilómetros por hora e 85,6 no municipio lucense de
Abadín, mentres que en Ribadeo (Lugo) o vento deixou refachos de 56,9
quilómetros por hora.
Este episodio meteorolóxico adverso remitirá nas próximas horas e
finalizará hoxe, pero mañá non mellorará o tempo, segundo precisaron
fontes de Meteogalicia. Con todo, os ventos soprarán con menor
intensidade e espéranse choivas ao longo de toda a xornada, que se
intensificarán cara á noite.
Link: ECONOMISTAONLIne
|
|